Presentado o libro Un Lugo de Cine, no marco da XXX Semana de Cine de Autor
O director da Semana Internacional de Cine de Autor de Lugo, Manuel Curiel, presentou esta publicación concebida como un diccionario de xentes, obras e institucións relacionadas con Lugo e a séptima arte.
O director da Semana de Cine de Autor de Lugo, Manuel Curiel, acompañado polo presidente do Grupo Fotocinematográfico Fonmiñá, Xulio Xiz, presentou o libro Un Lugo de cine. Trátase dunha compilación de datos presentados a xeito dun diccionario de xentes, obras e institucións relacionadas con Lugo e a séptima arte.
O libro presentouse no Gran Hotel Lugo no marco da XXX Semana Internacional de Cine de Autor que se celebra en Lugo entre o 21 e o 27 de setembro. Previamente a esta presentación tivo lugar a comparecencia
de Arsenio Martin Ensemble que puxo a música en directo á proxección da película Carmen, de Ernst Lubitsch, coa que comezaba esta Semana de Cine.
Unha semana que continúa co tradicional ciclo Infantil e coa concurrida Sección Oficial con películas a concurso como 4 meses, 3 semanas, 2 días; Pretextos; Aritmética emocional; Conversaciones con mi jardinero; La boda de Tuya e El baño del Papa. Aos ciclos sobre Igualdade, curtametraxes e cine cubano, Imprenscindibles ou o especial Gutiérrez Alba, súmanse eventos especiais como a proxección de El Pórtico de la Gloria, no especial Xacobeo; Historias de la radio, en homenaxe a Tonina Gay Parga, ou a estrea en España da película arxentina Imaginadores.
Fotografías: Manuel García
